Pagkatapos mong grumadweyt sa pag-aaral, saglit na titigil ang mundo mo. Dahil ito ang takdang oras para pag-isipan kung aling landas ang tatahakin mo.
Nakatigil ang buhay mo sa saglit na panahong hindi mo pa alam kung ano ang trabahong kukunin mo o kung magtratrabaho ka nga ba.
Sa mga oras na ito na bukas ang iyong isip sa mga maaaring maganap, nagkakalamat ang reyalidad at mula sa mga lamat na ito nakakasingit ang mga kakaibang nilalang na may puro at dalisay na salamangka upang makisalamuha sa ating daigdig.
-------
Unang nabasa bilang bahagi ng THE QUARTERLY BATHROOM COMPANION COMICS COMPENDIUM volume 1, ngayon ay mababasa uli na may bagong pabalat at mga pahina!
Kasama ang naunang digital version (hindi kasama ang mga bagong pahina) kapag binili dito sa mervstore.com.
